Pr සිංහලෙන්

3 වන කොටස(Pr කොටස )

ඔක්කෝටම සුබ දවසක්... අද  මම කියලා දෙන්න යන්නේ කලින් පාඩමේ 2වන කොටස.මම හිතනවා කලින් පාඩම තේරෙන්න ඇති කියලා. මම කියලා දීපු Ps කොටස මොනාහරි අවුලක් නිසා කරගන්න බැරි උනා නම් ඒ අයට පුළුවන් පහත ලින්ක් එකෙන් ගිහින් ඒක Download කරගෙන මේ කොටසේ ඉදන් කරගෙන යන්න.

 මෙන්න Link එක Clock.psd

හරි අපි දැන් පාඩම පටන් ගමු.මුලින්ම Pr Open කරගෙන අපේ Psd File එක ඒකට Import කරගන්න. ඊට පස්සේ එන Option Box එකේ පහල රූපේ වගේ ලබාදෙන්න.

මුලින්ම Import as: කියන තැනට Individual Layers කියලා දීලා OK කරගන්න.එතකොට ඔයාලට පුළුවන් අපි Ps වලදී හදාගත්ත Layers ටික Pr වලට ගන්න.බලන්නකෝ පහල රූපේ.

මගේ රූපේ Psd file එක කියල මම පෙන්නුවේ අපි අපේ Psd file එක Import කරාම ඒක එන විදිහයි ඊට පස්සේ ඒක Double click කරලා open කරාම ඒක පේන විදිහයි. ඔයාලට පෙන්වා ඇති ඒක. අපි Ps වලදී නම් කරගත්ත Layers ටික Pr වලටත් ඇවිත් තියන විදිහ.දැන් අපි බලමු අපේ ඔරලෝසුව video Track වලට දාගෙන කලින්  image එකේ තිබ්බා වගේම හදාගන්න විදිහ.පහල රූපේ බලන්නකෝ.

උඩ රූපේ වගේ මුලින්ම ඔරලෝසුව තියන Layer එක දාගන්න. එහෙම දාගත්තම ඔයාලට පෙන්වා ඇති Program monitor එකෙන් අපේ ඔරලෝසුව ගොඩාක් Zoom වෙලා තියෙන්නේ.අපි දැන් ඒක හදාගමු.බලන්නකෝ පහල රූපේ.

මුලින්ම අපේ ඔරලෝසුව select කරගෙන උඩ රූපේ වගේ Window>>Effect Control යන්න.එතකොට පහල රූපේ වගේ ඔයාලටත් Effect Control pallet 1ක් එයි.

හරි දැන් මම උඩ රූපේ පෙන්නලා තියනවා වගේ එකේ Motion කියන option එක ඉස්සරහ තියන Arrow එක click කරාම ඔයාලටත් රූපේ වගේ Motion වල තියන Option ටික පෙන්නයි.Position,Scale කියලා.මේකෙන් අපි use කරන්නේ Scale කියන option එක මොකද අපේ ඔරලෝසුවේ Scale එක වැඩි වෙලා තියෙන්නේ ඒකයි ඒක ගොඩාක් Zoom වෙලා පෙන්නේ. අපි දැන් එක හදාගමු..

හරි මම උඩ රූපේ වගේ Scale කියන තැන ඉස්සරහ තියන අගයන් ලගට Mouse point එක අරන් ගියාම ඒක arrow එකක් විදිහට වෙනස් වෙයි එතකොට ඔයාලට පුළුවන් ඒක දෙපැත්තට Drag කරලා ඒ Scale අගය අඩු වැඩි කරගන්න. එහෙම නැත්තම් එතන අපිට ඔනී අගයක් Type කරන්නත් පුළුවන්. ඒ ටික කරලා බලන්න.

මම එහෙම අගයන් වෙනස් කරලා මට හිතෙන විදිහට Scale අගය 33 කියලා දුන්නා ඔයාලා ඒකම දෙන්න ඕන නෑ මේක කරලා බලලා ඔයාලට කැමති අගයක් දෙන්න.

එහෙම දෙන අගය මතක තියාගන්න. ඒ ඇයි කියලා ඉස්සරහට තේරෙයි.අපි යමු ඊලග පියවරට.දැන් මම අපේ කටු 3ත් මේ විදිහටම Drag කරලා දාගන්නවා බලන්නකෝ පහල රූපේ.

මුලින්ම මම දාන්නේ අපේ පැය කට්ට මොකද සාමාන්‍යයෙන් අපේ ඔරලෝසුවේ යටින්ම තියෙන්නේ පැය කට්ට නිසා.ඒ වගේම මම එක දාගන්නේ Video 2  කියන Track එකට.ඒ වගේම මම එකෙත් කලින් වගේම Scale හදාගන්න ඔනී.මොකද ඔයාල උඩ රූපේ බැලුවොත් තේරෙයි අපේ පැය කට්ට අපේ ඔරලෝසුවට වඩා ලොකු වැඩියී. අන්න ඒකට තමයි මම Scale වලට දීපු අගය මතක තියාගන්න කිවුවේ හරි මම දුන්නේ 33 මම ඒකම මේකටත් දෙනවා.ඒ වගේම ඔයාල Position වෙනස් කරානම් ඔයාලට ඒවටත් ඒ අගයන්ම දෙන්න වෙනවා හරියටම.දැන් පහල රුපෙන් පෙන්නේ ඒවා හදාගත්තට පස්සේ පේන විදිහ.

හරි දැන් මම අපේ පැය කට්ට Video Track එකට දාගත්ත. ඒ වගේම අපේ අනිත් කටු 2ත් මේ විදිහටම දාගන්න. එක කරන විදිහ මම පහලින් පෙන්නලා තියනවා. කලින් වගේම තමයි අපේ අන්තිම කට්ට තත්පර කට්ට මේකට දානකොට අපිට Video Track1ක් නැති වෙන්න පුළුවන් එත් ඔයාල ඒ ගැන හිතන් නැතුව එක කලින් වගේම Grag කරන්න එතකොට එතන අලුතින් Video Track 1ක් හැදෙයි,බලන්නකෝ පහල රූපේ.

එහෙම නැත්තම් ඔයාලට පුළුවන් ඒ Video Track ලග Right Click කරලා ඔයාලට ඕනි තරම් Video Track Add කරගන්න පහල රූපේ වගේ.

රුපෙන් මම අංක 1න්  පෙන්නුවේ Right Click කරාම ලැබෙන Menu එකෙන් Add Tracks කියන Option එක. ඒකට ගියාම එන Option Box එක තමයි මම අංක 2න් පෙන්නලා තියෙන්නේ එකෙන් අපිට පුළුවන් ඕනි තරම් Audio Video track මේකට add කරගන්න. දැන් අපි අපේ තත්පර කට්ටත් Add කරගමු.අර විදිහටම තමයි කරගන්න ඔනී.

කලින් වගේම තමයි මම උඩ රූපේ අංක1න් තියෙන්නේ මුලින්ම අපේ තත්පර කට්ට add කරගන්න විදිහ.ඊට පස්සේ 2 රූපේ තියෙන්නේ මම කලින් කිවුව විදිහට Scale අගය ලබා දීලා අපේ ඔරලෝසුවට ගැලපෙන්න හදාගන්න විදිහ. මම මගේ හදාගත්ත ඔරලෝසුව පහල රූපේ පෙන්නලා තියනවා.

හරි දැන් ඔයාල හරියට මේ ටික කරගත්ත නම් අපි මුලින් Ps වලට ගත්ත Image එක වගේම ඔරලෝසුව එන්න ඔනී. දැන් තියෙන්නේ අපේ ඔරලෝසුවේ කටු ටික කරකවන්න.අපි දැන් බලමු ඒක කරන විදිහ.

ඊට කලින් අපි මේකේ Theory පැත්ත ටිකක් බලමු. ලොකු දෙයක් නෙවෙයි ඔයාලා දන්නවනේ ඕනිම දෙයක් කැරකෙන්නේ මොකක් හරි ලක්ෂයක් වටේ කියල. දැන් අපේ ඔරලෝසුවෙත් අපි මෙන්න මේ ලක්ෂය හොයා ගන්න ඔනී. ඒකට අපි කියන්නේ Anchor Point කියලා. අපි දැන් බලමු මේ Anchor Point එක හොයාගෙන ඔරලෝසුවේ කටු කරකවන විදිහ.

මුලින්ම අපි අපේ තත්පර කට්ටේ Anchor point එක හදාගමු ඔයාලට දැන් තේරෙනවා ඇති අපේ ඔරලෝසුවේ කටු තුනේම Anchor Point එක වෙන්න ඕනි එකම තැන මොකද ඔරලෝසුවේ කටු කැරකෙන්නේ එකම ලක්ෂයක් වටෙනේ.

අපි මුලින්ම අපේ තත්පර කට්ට select කරගන්නවා. ඊට පස්සේ එකේ Effect Control palate එකේ Motion කියන option එක select කරගන්නවා. එතකොට ඔයාට පෙනෙයි අපේ ඔරලෝසුවේ වටේට කොටුවක් වගේම එකේ මැද කතිරයක් එක්ක රවුමක් ඒක තමයි Anchor Point එක.බලන්නකෝ පහල රූපේ.

මම උඩ රූපේ කහ පාටින් පෙන්නලා තියෙන්නේ ඒක. මුලින්ම අපි Motion කියන Option එක select කරගන්න ඔනී ඒක select කරගත්තම ඔයාලට පේනවා ඇති අපේ Program monitor එකේ ඔරලෝසුව වටේට කොටුවක් ඇදිලා තියනවා ඇත්තටම ඒක ඔරලෝසුව වටේට ඇදිලා තිබ්බට ඇත්තටම ඒක තියෙන්නේ තත්පර කට්ට වටේට එකේ මැද තමයි අර කතිරෙන් පෙන්නේ.දැන් අපි anchor point එක වෙනස් කරගමු.

බලන්නකෝ පහල රූපේ. අපි මුලින්ම Zoom level එක වෙනස් කරගමු.

උඩ රූපේ වගේ මුලින්ම Zoom level එක වැඩි කරගන්න.එතකොට ඔයාලට හොදට පෙනෙයි අපේ anchor point එක තියාගන්න ඕනි තැන.බලන්න පහල රූපේ.

උඩ රූපේ බැලුවම ඔයාලට පේනවා ඇති අපේ anchor point එක තියෙන්නේ මැද නෙවෙයි ඒ නිසා අපි ඒක මැදට ගන්න ඕනී. ඒක තමයි අපි කරන්න යන්නේ.

කලින් රූපේ දැක්කනේ ඔයාල මේකේ anchor point එක තියෙන්නේ වෙන තැනක ඒ නිසා අපි ඒක මැදට ගන්නයි යන්නේ.ඒක අපි කරන්න යන්නේ කොටස් 2කට මුලින්ම ඔයාලා උඩ රූපේ මම කහ පාටින් කොටු කරලා තියන Anchor Point කියන option එකට ගිහින් එකේ ඉස්සරහ අගයන් දෙන තැන අගයන් වෙනස් කරලා බලන්න එතකොට ඔයාලට පෙනෙයි අපේ තත්පර කට්ට එහෙට මෙහෙට යනවා. මේකෙදි ඔයාලා ඒ අගයන් දෙන තැනට Mouse point එක ගෙනිච්චාම එක අතකුත් එක්ක දෙපැත්තට arrow 2ක් එන විදියට වෙනස් වෙයි එහෙම උනාම ඔයාලට පුළුවන් එක Click කරලා වමටයි දකුණටයි  අරන් ගිහින් එක වෙනස් කරගන්න. Anchor point කියන තැන ඉස්සරහ තියන මුල්ම අගයන් වෙනස් කරලා ඔයාලට පුළුවන් වමට දකුණට යන්නත් දෙවැනි අගයන් වෙනස් කරලා පුළුවන් උඩට පහලට යන්නත්. දැන් ඒ වගේ කරලා උඩ රූපේ වගේ අපේ තත්පර කට්ටේ මැදට අර කතිරෙත් එක්ක තියන රවුම හදාගන්න.

දැන් දෙවැනි කොටසින් කරන්නේ අපේ තත්පර කට්ට හරියට හදාගන්න එක මොකද කලින් අපි anchor point එක වෙනස් කරාම අපේ තත්පර කට්ට පොඩ්ඩක් එහාට මෙහාට උනානේ දැන් එක අපි හදාගමු.මම පහල රූපේ පෙන්නලා තියෙන්නේ එක හදාගත්තාම පේන විදිහ. කලින් වගේම තමයි කරන්නේ.පහල රූපේ බලලා ඉන්නකෝ.

මේකෙදිත් අර වගේම තමයි Position කියන Option එක තමයි අපි වෙනස් කරන්නේ ඒක මම උඩ රූපේ කහ පාටින් පෙන්නලා තියනවා. හරි දැන් කලින් වගේම Position කියන option එක ඉස්සරහ තියන අගයන් අඩු වැඩි කරලා අපිට පුළුවන් අපේ තත්පර කට්ට ඕනි තැනට ගේන්න. කලින් වගේමයි. Position කියන එක ඉස්සරහ තියන පලවෙනි අගයන් වෙනස් කරලා වමට දකුණට යන්නත්, දෙවැනි අගයන් වෙනස් කරලා උඩට පහලට යන්නත් පුළුවන්. හරි දැන් එහෙම කරලා උඩ රූපේ වගේ Anchor Point එක හරියට ඔරලෝසුවේ මැදට වෙන්න හදාගන්න.මොකද හරියටම හදාගත්තේ නැත්තම් අපි මේ කටුව කරකවනකොට ඒ වෙනස තේරෙයි. ඔයාල මේ පියවර වෙනකන් හරියට කරා නම් වැඩේ දැන් ගොඩාක් දුරට ඉවරයි. අපේ තත්පර කට්ට හරියටම බලලා හොදටම මැදට කරලා හදාගන්න මොකද දැන් අපි අනිත් කටු දෙකටත් use කරන්නේ මේ අගයන්ම තමයි.දැන් අපි මේ හදාගත්ත තත්පර කට්ට හරියට වැඩද කියල Test කරමු. බලන්නකෝ පහල රූපේ.

දැන් අපි යන්නේ අපේ තත්පර කට්ට කරකවන්න බලමු ඒක කරන විදිහ. මුලින්ම උඩ රූපේ මම කහ පාටින් කොටු  කරලා තියන Rotation කියන තැනට ගිහින් එකේ ඉස්සරහ තියන අගය වෙනස් කරලා බලන්න. කලින් වගේම තමයි එත් වෙනසක් තියෙන්නේ මේ අපි ලබා දෙන්නේ අංශක අගයන් නිසා මේකේ අගයන් දෙන්න පුළුවන් 360 වෙනකන් විතරයි එකෙන් පස්සේ අපි කරකවන වට ගාන පෙන්නවා. මේකේ අගයන් වෙනස් කරනකොට ඔයලට පෙනෙයි අපේ තත්පර කට්ට ඔරලෝසුවේ වගේම වටේට කැරකෙනවා. ඔයාලා හරියට Anchor point එක හදාගත්ත නම් තත්පර කට්ට හරියටම වටේට කැරකෙයි. මම පහල රුපෙන් ඒ වගේ තත්පර කට්ට වටයක් කරකවන විදිහ පෙන්නලා තියනවා.

උඩ රූපේ මම කොටස් 4කින් පෙන්නලා තියෙන්නේ අපේ තත්පර කට්ට එක වටයක් කරකන විදිහ. හොදින් බැලුවොත් ඔයාලට පෙනෙයි මේකේ rotation අගය වෙනස් වෙලා තියන විදිහ.

හරි මේ වෙනකන් ඔයලා හරියට කරා නම් දැන් තියෙන්නේ මේ අගයන් ටිකම අනිත් කටු දෙකටත් දෙන්න විතරයි.අපි එක බලමු. මුලින්ම අපේ තත්පර කට්ට Select කරලා එකේ Position කියන තැනයි Anchor point කියන තැනයි තියන අගයන් ටික බලලා ඒ අගයන් ඒ විදිහටම අපේ පැය කටුවටත් විනාඩි කට්ටටත් දෙන්න ඒක කරන විදිහ මම පහලින් පෙන්නලා තියනවා.

මම පහලින් අංක 1න් පෙන්නලා තියෙන්නේ අපේ තත්පර කට්ටේ අපි කලින් හදාගත්ත අගයන් මේකේ අපි වෙනස් කරේ Position හා Anchor point කියන අගයන් 2 විතරනේ. අංක 2න් පෙන්නලා තියෙන්නේ  මිනිත්තු කටුවටත් ඒ අගයන් ලබා දුන්නට පස්සේ ඒ පේන විදිහ මේ ටික නම් අවුලක් නැති වෙයි කියල හිතුවා ඒකයි ඒ වගේ ඉක්මනට කියල දුන්නේ.

ඒ වගේම තමයි අපේ පැය කට්ටත් එකෙත් මම වම පැත්තේ තත්පර කට්ටේ අපි දීපු අගයනුත් දකුණු පැත්තේ පැය කට්ටේ අගයනුත් දීලා තියනවා.ඒ වගේම ඔයාලට පේනවා ඇති මම selected layer කියල ඒ වෙලේ select කරගන්න ඕනි layer එක පෙන්නලා දීලා තියනවා.

මම හිතනවා මෙතෙන්ට එනකන් කරපු ටික ඔයාලට පැහැදිලි ඇති කියලා. දැන් තියෙන්නේ අපේ ඔරලෝසුවේ වෙලාව යවන්න නැත්තම් කටු කරකවන්න. අපි දැන් ඒක බලමු.

මුලින්ම අපි අපේ Video එකේ Duration එක එහෙම නැත්තම් Video එකේ දිග හදාගමු. සාමාන්‍යයෙන් අපි මේ වගේ Image එකක් add කරාම එකේ Duration එක එන්නේ තත්පර 5යි. අපි දැන් එක වෙනස් කරගමු.බලන්නකෝ පහල රූපේ.

මම මුලින්ම අපේ layers ඔක්කොම select කරගන්නවා, ඔයාලට පුළුවන් Shift එකත් එක්ක එකින් එක layer එක select කරලා උඩ රුපේ වගේ layer 4ම select කරගන්න. ඊට පස්සේ Right Click කරලා එන option වලින් උඩ රූපේ වගේ Speed/Duration කියන option එක තෝරාගන්න.එතකොට ඔයාලට පහල රූපේ වගේ වෙනම Option box1ක් එයි. පහල රූපේ මම එක ඔයාලට පෙන්න ලොකු කරලා තියෙන්නේ.

ඔයාලට පේනවා දැන් ඒ box එක. ඒක හොදට බැලුවොත් ඔයාලට පෙනෙයි එකේ 00 තියන තැන් 4ක් ඒවා තියෙන්නේ මුල ඉදන් පැය, මිනිත්තු, තත්පර,මිලි තත්පර විදිහට මම උඩ රූපේ කහ පාටින් පෙන්නලා තියන තැනට මම 60ක් දෙනවා ඒ කියන්නේ තත්පර 60ක් කියන එක එහෙම නැත්තම් ඔයාලට පුළුවන් දෙවැනි 00 තියන තැනට 1ක් දෙන්න ඒ කියන්නේ විනාඩි1ක්  කියන එක.එහෙම කරාම ඔයාලට පහල රූපේ වගේ අපේ Layers 4 Duration එක වැඩි වෙලා තියෙයි.

දැන් ඔයාලට තව ප්‍රශ්නයක් එනවා ඒ තමයි උඩ රූපේ වගේ අපි  duration වැඩි කරාම අපිට Time line එකේ  මුළු Duration එකම බලාගන්න බැරි එක. හරි එකට කරන්න තියෙන්නේ උඩ රූපේ මම රතු පාට රවුමකින් පෙන්නලා තියන තැනින් Click කරලා දකුණු පැත්තට Drag කරාම ඔයාලට පෙනෙයි ඒ bar එක ලොකු වෙනවා වගේම අපිට නොපෙනුන Layer 4 ඉවර වෙන තැන පේනවා. ඒක ඔයාලට පහල රුපෙන් පේනවා ඇති.ඒ වගේම ඔයාලා හොදට බැලුවොත් අපේ time line එකේ හරියටම විනාඩියක කොටසක් තමයි අපි මේ හදාගෙන තියෙන්නේ.

හරි දැන් අපි අපේ කටු ටික කරකවමු. මුලින්ම මම කරකවන්නේ තත්පර කට්ට.ඒ නිසා තත්පර කට්ට Select කරගෙන ඉමු. බලන්නකෝ පහල රූපේ.

අපි දැන් මේ කටු කරකවන්න යන්නේ Rotate කියන option එක use කරලා. මුලින්ම අපි අපේ තත්පර කට්ට කැරකෙන්න පටන් ගන්න ඕනි වෙලාවක් හිතන්න ඕනි.මගේ එකේ නම් මම 0 වෙන් තමයි පටන් අරන් තියෙන්නේ ඒ කියන්නේ video එක පටන් ගන්නකොටම අපේ ඔරලෝසුවේ කටුත් කැරකෙන්න පටන් ගන්නවා. ඒ නිසා මම මගේ time line එකේ රතු පාටින් පෙන ඉර video එකේ මුලම 0ම තියාගන්නවා. ඊට පස්සේ උඩ රූපේ මම කහ පාටින් කොටු කරලා තියන Rotation කියන option එක ඉස්සරහ ඔරලෝසුවෙක හැඩයට තියන icon එක click කරනවා. මේකට අපි කියන්නේ key එකක් දෙනවා කියලා. මේක ඔයාලා ලේසියට මතක තියාගන්න camera එකක Video Button එක වගේ කියල මේක On කරපු වෙලේ ඉදන් අපි Rotation එකේ කරන හැමදේම මෙයා record කරගන්නවා.

හරි අපි දැන් 0 Key1ක් දුන්නනේ දැන් අපි බලමු කටු කරකවන විදිහ මේක හරි ලේසීයි. Cam එකක Video Button එක ඕන කරාට පස්සේ කරන දේ දන්නවනේ ඔයාලා මේකෙත් එහෙමයි.දැන් තියෙන්නේ අපිට ඔනී දේ කරලා පෙන්නන එක. දැන් අපි අපිට මේ කට්ට කැරකිලා ඉවර වෙන්න ඕනි තැනක් හිතාගන්න ඔනී. මම නම් ගත්තේ තත්පර 59 ඒක තමයි මම උඩ රූපේ අංක 1න් පෙන්නලා තියෙන්නේ ඒ වගේම අංක 2න් පෙන්නලා තියෙන්නෙත් ඒකම තමයි අපිට පුළුවන් එතනට ඕනි අගයක් ලබාදීලා ඒක හදාගන්න. වැදගත්ම කොටස තමයි මම අංක 3න් පෙන්නලා තියෙන්නේ. මුලින්ම ඔයාල නිකන් වටයක් තත්පර කට්ට කරකවන්න ඊට පස්සේ Rotation කියන තැන බැලුවොත් ඔයාලට මගේ රූපේ වගේම එතන අංශක ගාන දෙන තැනට ඉස්සරහින් තවත් අංකයක් වැටිලා තියෙයි ඒ තමයි අපි මේ තත්පර කට්ට කරකවපු වට ගාන මගේ රූපේ හැටියට නම් එතන තියෙන්නේ 1.අපි තව වට කැරකුවොත් ඒ අගය වෙනස් වෙනවා. දැන් පහල රූපේ වගේ එතනට කැමති අගයක් දෙන්න.

මම එතනට 55 දීලා තියනවා එකේ තේරුම තමයි අපි අපේ තත්පර කට්ට මේ තත්පර 59 ඇතුලේ 55ස් වතාවක් කරකවන්න යන්නේ. ඔයාලා දන්නවනේ සාමාන්‍යයෙන් තත්පර 60කට එක සැරයක්නේ මේක වටයක් යන්නේ අපේ ඔරලෝසුවේ හැටියට මේ තත්පර 59 ඇතුලේ අපේ තත්පර කට්ට 55 වතාවක් කැරකෙනවා.ඊට පස්සේ මම පහල රූපෙන් පෙන්නලා තියෙන්නේ අපි මේ හදාගත්ත ටික render කරන විදිහ ඒකට කරන්න තියෙන්නේ Enter Key එක press කරන එක.

Render කරගත්තම ඔයාට පහල රූපේ වගේ කලින් අපේ රතු පාටින් තිබ්බ Bar එක කොළ පාට වෙලා තියනවා පෙනෙයි. රතු පාටින් ඒ Bar එක තියෙද්දිත් අපිට Video එක Play කරන්න පුළුවන් එත් එහෙම වේලාවට Real time Video එක බලාගන්න අමාරුයි එකයි මම render කරලා අපේ Video එක play කරේ.

ඔයාල හරියට කර නම් අපේ තත්පර කට්ට වේගෙන් කැරකෙනවා පෙනෙයි.

දැන් කරන්න තියෙන්නේ මේ පියවර ටිකම අපේ අනිත් කටු දෙකටත් කරන එක. ඒක මම ගොඩාක් රුප සටහන් වලින් පෙන්නන්ම්. මේ පියවර ටිකම නිසා ඔයාලට අමාරු වෙන එකක් නෑ.

උඩ රුපෙන් මම පෙන්නලා තියෙන්නේ අපි කලින් කරපු දේම ආපේ මිනිත්තු කට්ටටත් කරන විදිහ.කලින් වගේම තමයි Time line එක 0 අරන් ගිහින් මිනිත්තු කට්ට click කරලා එකේ Motion වල Rotation කියන option එකට Key එකක් දීලා. Time Line එක 59 වැනි තත්පරේට අරන් ගිහින් rotation කියන අගය ඉස්සරහ තියන Rotate වෙන්න ඔනී වට ගානට 20ක් කියල දෙන්න. ඒ ටික මම උඩ රුපෙන් පෙන්නලා තියනවා.

ඊට පස්සේ මේ ටිකම අය අපේ පැය කට්ටටත් කරන විදිහ තමයි මම උඩ රුපෙන් පෙන්නලා තියෙන්නේ. මේකටත් කලින් පියවර ටිකම කරන්න වෙනසකට තියෙන්නේ Rotate අගයට ඒ කියන්නේ කැරකෙන්න ඔනී වට ගානට 10ක් කියල දෙන එක විතරයි.

ඊට පස්සේ අපි මේක Render කරගන්නවා Enter Press කරලා.

දැන් ඉතින් play කරලා බලන්න. ඒ වගේම ඔයාලට පුළුවන් මම කලින් කිවුව විදිහට මේකේ output එකක් අරන් බලන්න. මොනාහරි ප්‍රශ්නයක් උනොත් මගෙන් අහන්න මම ලෑස්තියි Help කරන්න.

ඊලග පාඩමෙන් මම කරන්න හිතන් ඉන්නේ මේ පාඩමේම ඉදිරි පියවරක් මොකද අපි දැන් මේ Clock එක හදාගත්තට ඒකට හරියට background එකක් දාලා ලස්සනට out put එක දෙන්න බැරි උනොත් අපි හදන මේ දේවල් වලින් වැඩක් නෑනේ.අපි ඊලග පාඩමෙන් ඒ ටික බලමු. හැමදාම වගේ කියන්නේ ඕනිම අවුලක් ප්‍රශ්නයක් තියනවා නම් මගෙන් අහන්න දන්න විදිහට කියල දෙන්නම්. ඒ වගේම වැඩේ හොද නම් එකත් කියන්න හැදෙන්න තැන් තියනවා නම් ඒවත් කියන්න.

එහෙනම් සුබ දවසක්......

Pr සිංහලෙන්

3 වන කොටස(Ps කොටස )
මම මේ පාඩම කොටස් 2කින් කරන්න හිතුවා. මුලින්ම අපි කරන්නේ Photoshop කොටස.

සුබ දවසක් ! මුලින්ම මට මේක ඉදිරියටම කරගෙන යන්න කියලා support කරපු help කරපු මාව දිරි ගන්නවපු හැමෝටම ස්තුතීයි. මම කලින් කිව්වා වගේම අද අපි කතා කරන්නේ ඔරලෝසුවේ කටු වේගෙන් කැරකෙන විදිහේ video එකක් හදාගන්න විදිහ.මෙකෙදී මම මේ කරන විදිහටම කරන්න ඕන නෑ ඔයාල මේකෙන් Idea1ක් අරන් වෙනස් වෙනස් දේවල් කරලා බලන්න අවුලක් උනොත් අහන්න මම දන්න විදිහට  help කරන්න මම සුදානම්.

හරි අපි වැඩේ පටන් ගමු.මේකෙදි අපිට Ps එහෙම නැත්තම් Photoshop ටිකක් විතර use කරන්න වෙනවා ඒ ගැන බය වෙන්න එපා මම ඒ ටිකත් පියවරෙන් පියවර කියල දෙන්නම්.හරි මුලින්ම අපිට මෙකට ඕනි වෙනවා ඔරලෝසුවක Image1ක්' මම එහෙම හොයලා ගත්ත Image 1 තමයි මේ තියෙන්නේ.

මේ Image එකේ Link එක තමයි මේ තියෙන්නේ  Clock ඔයාලා කැමති නම් මේකම use කරන්න  නැත්තම් ඔයාල කැමති එකක් ගන්න එත් මතක තියාගන්න අපි ගන්න image එක High quality, ඒ වගේම ඔරලෝසුවේ කටු හොදින් පේන එකක් ගන්න මොකද අපි මේකේ කටු ටික වෙනම select කරගන්න ඔනී.
ඒ වගේම PNG Format එකෙන් Image1ක් ගන්න පුළුවන් නම් හොදයි  මොකද මේකට අපිට Background එක ඕන නැති නිසා.
මුලින්ම අපි Ps(Photoshop) වලට ගිහින් මේ Image එක open කරගෙන ඉමු.බලන්නකෝ පහල රූපේ. මම Ps වල මෙකට ඔනී දේවල් ටික විතරක් කියල දෙන්නම් ඒ නිසා බය වෙන්න එපා Ps දන් නෑ කියල.

Ps Open කරලා File>>Open යන්න.පහල රූපේ.

ඊට පස්සේ අපේ ඔරලෝසුව Open කරගන්න.

ඊට පස්සේ Pen tool එක ගන්න.

මුලින්ම මම කරන්න යන්නේ ඔරලෝසුවේ තත්පර කට්ට Selection එකක් දලා වෙන් කරගන්න එක.මුලින්ම තත්පර කට්ට හොදට පේන විදිහට අපේ ඔරලෝසුව Zoom කරගන්න. එකට Ps වල Ctrl + press කරන්න. ඒ කියන්නේ Ctrl එක Press කරගෙන + mark එක Press කරනකොට ඔයාලට Zoom in කරගන්නත් Ctrl එක්ක - Mark Press කරාම Zoom out කරගන්නත් පුළුවන් වෙයි.පහල රූපේ ගානට Zoom කරගන්න.

දැන් select කරගන්න කලින් තව පොඩි දෙයක් කරන්න ඔනී.බලන්නකෝ පහල රූපේ.

Pen tool එක ගත්ත ගමන්ම ඔයාලට පෙන්වා ඇති Menu bar එකට පහලින් පොඩි Arrow එකක් එක්ක තියන options 3ක් shape, Path, Pixels කියලා. මේකෙන් අපි path කියන Option එක තමයි use කරන්නේ.
එක අනිවා දාගන්න, ඒ ඇයි කියල ප්‍රශ්නයක් නම් shape දලා කරලා බලන්න.

දැන් මම Pen tool එකෙන් තත්පර කට්ට Select කරගන්න පටන් ගත්ත.උඩ රූපේ 1,2,3.4 කියලා දලා තියෙන්නේ මම Path එක අදින විදිහ.කහ පට රවුම් වලින් මම පෙන්නලා තියෙන්නේ ඒ එක එක point.
මම 4 වැනි point එක නවත්තලා තියෙන්නේ තත්පර කට්ටේ රවුම් වෙන තැන.අපි බලමු දැන් ඒ වගේ රවුම් වෙන කොටසක් select කරගන්නේ කොහොමද කියල.

මුලින්ම ඒ තැන හොදට පෙන්න Zoom කරගන්න.ඊට පස්සේ අපිට select කරගන්න ඕනි රවුම් කොටසේ මැදට වෙන්න එක Point එකක් තියල Mouse click එක අතඅරින් නැතුව දිගටම අදින කොට ඔයාලට පෙනෙයි අපේ Path එක රවුම් වෙනවා.තෙරුන් නැත්තම් පහල රූපේ බලන්න.

මම උඩ රුපෙන් පෙන්නලා තියෙන්නේ කොහොමද Pen tool එකෙන් රවුමක් select කරගන්නේ කියලා.මම ඒක තව ටිකක් පැහැදිලි කරන්නම්.
Step 1 එකේ තියෙන්නේ ඔයාල දැන් 4 වෙනි point එක වෙනකන් Path එක ඇදලා තියනවනේ දැන් රූපේ විදිහට ඔයාල 5 වැනි point එක තියන්න එත් mouse click එක අතඅරින්නේ නැතුවම Step 2 එකේ තියන මම රවුම් කරලා තියන තැනට mouse Point එක ගෙනියන්න, එතකොට  ඔයාලට පෙනෙයි අපේ Path එක රවුම් වෙනවා. ඔයාලට පුළුවන් ඒක තව එහෙ මෙහෙ කරලා ඔයාලට ඕනි ගානට path එක රවුම් කරගන්න.ඊට පස්සේ Step 3 එකේ විදිහට ආයි Mouse Click එකක් දලා අත අරින් නැතුව මම රවුම් කරලා තියන තැනට අරන් ගිහින් අපිට ඕනි රවුම් Selection එක දාගන්න.

හරි දැන් තියෙන්නේ අපේ තත්පර කට්ට මම කිව්ව විදිහට select කරගන්න Path එක අදින එක.මම ඒ වගේ path එකක් ඇදගත්ත තත්පර කට්ට පහල රුපෙන් බලන්න ඔයාලත් ඒ වගේ path1 ඇදගන්න.

මම එක ඔයාලට පෙන්න ඕනි නිසා කහපාට Outline එකක් දාගත්ත ඔයාලගේ එහෙම වෙන එකක් නෑ, path එක ඇදිල කියලා අළු පාටින් පෙන්නයි. ඔයාල පටන් ගත්ත තැනින්ම Path එක අවසන් කරන්න, ඒ වගේම මොනාහරි වරදක් උනෝත් ආපස්සට යන්න නැත්තම් Undo කරන්න Ctrl+Alt+Z press කරන්න.එකින් එක පියවර පියවර ඔයාලට පස්සට යන්න පුළුවන් වෙයි.

හරි දැන් ඉතින් තියෙන්නේ මේ වගේම අනිත් කටු 2ත් select කරගන්න එක.එකේදී  නම් මේ වගේ අමාරු නැ මොකද රවුම් වෙන තැන නැති නිසා.හරි අපි දැන් එක කරන විදිහ බලමු.

මුලින්ම උඩ රූපේ වගේ ඔයාලගේ layer Palate එකේ කොනේම තියන Path කියන ටැබ් එකට ගිහින් රූපේ වගේ යට තියන Create New කියන එකෙන් අලුත් Path layer එකක් හදාගන්න,ඔයාලා එතනට යනකොට එතන දැනටමත් හැදිලා ඇති layer එකක් එක තමයි අපි තත්පර කට්ට Select කරගන්න දාගත්ත path එක. හරි දැන් අපි අලුතින් path Layer එකක් ගත්තනේ.දැන් කලින් වගේම tool එක use කරලා අනිත් කට්ටත් select කරගන්න.මම පැය කටුව තමයි select කරගන්නේ.

ඔයාලට පෙනවා ඇති උඩ රූපේ මම පැය කට්ට select කරගෙන තියන විදිහ Point 4කින් මම එකේ path එක ඇදලා තියනවා.ඒ වගේම තමයි මම ඒක අදිනකොට select වෙලා තියෙන්නේ Path2 කියන මම අලුතින් හදපු layer එක.හරි එත් දැන් පොඩි අවුලක් තියනව නේද? හොදට බැලුවොත් ඔයාලට පෙනෙයි පැය කටුවේ ඇතුලේ තවත් සුදු පාට කොටසක් තියනවා අපිට අයින් කරගන්න.මොකද ඇත්තම පැය කටුවේ ඒ වගේ හතරැස් හිස් කොටුවක් තියනවනේ. ඉතින් අපි ඒ කොටසත් අයින් කරගමු. ඒක ලේසි දෙයක් බලන්නකෝ පහල රූපේ.

උඩ රූපේ වගේ මම තවත් Path එකක් ඇදගන්නවා අපිට වෙන් වෙන්න ඕනි කොටුවත්.ඒක මම කහ පාටින් පෙන්නලා තියනවා.ඒ වගේම මම ඒ path එකත් අදින්නේ අර කලින් ගත්ත Path එක උඩම තමයි ඔයාලට එක පේනවා ඇති රූපේ Select වෙලා තියෙන්නේ ඒ path එකනේ. හරි දැන් අපි අනිත් කටුවත් ඒ කියන්නේ අපේ මිනිත්තු කටුවත් select කරගන්න path එක අදිමු. එකත් අර වගේම තමයි අලුතෙන් path1ක් අරන් කලින් වගේම ඇදගන්න. එකත් මම පහල රූපේ පෙන්නලා තියනවා.

මම උඩ රුපෙන් පෙන්නලා තියෙන්නේ අපි path එක ඇදගන්න ඕනි කොටුව.ඒ වගේම මේකටත් මම අලුතින් path layer එකක් හදාගෙන තියනවා. දැන් පේනවනේ අපේ කටු 3ට path layer 3ක් මම හදාගෙන තියනවා. දැන් අපි මේ හදාගත්ත කටු 3 වෙන් කරලා ගමු.බලන්නකෝ පහල රූපේ.

මුලින්ම Path 1 කියන layer එක ඒ කියන්නේ අපේ තත්පර කට්ට තියන layer එක select කරගන්න. ඊට පස්සේ උඩ රූපේ වගේ එකේ උඩ Right click කරාම drop down list එකක් එයි එකෙන් අපි make selection කියන option1 තමයි select කරගන්න ඔනී.

අපි ඒ Option 1 select කරාම ඔයාලට උඩ රූපේ වගේ තවත් Option box 1ක් ලැබෙයි.එකත් මුකුත්ම වෙනස් නොකර Ok කරන්න.දැන් ඔයාලට පෙනෙයි අපි select කරගත්ත තත්පර කට්ට වටේට selection1ක් වැටිලා තියනවා. එක පහල රුපෙන් බලාගන්න.

හරි දැන් අපි selection එක දාගත්තා දැන් අපි එක Copy & Paste කරගමු. මුලින්ම ඔයාලා layer palate එකට මාරු වෙන්න(අපි දැන් ඉන්නේ path palate එකේ)ඊට පස්සේ අනිවා අපේ clock එක තියන රූපේ Click කරන්න.ඊට පස්සේ Copy & Paste කරන්න. මේකට කවුරුත් දන්නා Ctrl+C ඊට පස්සේ Ctrl+V use කරන්නත් පුළුවන් නැත්තම් පහල රූපේ වගේ කරන්නත් පුළුවන්.

කොහොමහරි ඔයාල හරියට කරා නම් පහල රූපේ වගේ අපේ තත්පර කට්ට විතරක් වෙනම අලුත් Layer එකකට ඇවිත් තියෙන්න ඔනී.Layer 1 කියල තියෙන්නේ එක.

හරි දැන් තියෙන්නේ මේ ටිකම අනිත් කටු 2ටත් කරන්න. එක මම රුප වලින් පෙන්නම්.මේ ටිකම කරන්න. හරියට කරාම මේ වගේ තවත් layer2k එන්න ඕනි ඒ තමයි අනිත් කටු2 .මම පහල රුපෙන් පෙන්නලා තියෙන්නේ අනිත් අටු 2තත් මේ පියවරම කරන විදිහ, ඒ ටිකත් ඒ විදිහටම කරගන්න . එහෙම කරාම ඔයාට අපේ කටු3 layers 3ක ලස්සනට ඇවිත් තියෙන්න ඔනී.

හරි දැන් අපි මේ කටු 3 වෙන් කරලා අරන් ඔරලෝසුව හදාගමු. බලන්නකෝ පහල රූපේ.

දැන් ඔයාලත් මේ පියවර ටික කරා නම් උඩ රූපේ වගේ layer 3ක කටු 3 ඇවිත් තියෙන්න ඕනි.දැන් අපි මේ කටු 3 නම් කරගමු. නම් කරගමු කිව්වට දැන් අවුලක් එනවා කොහොමද කටු 3 අදුරගන්නේ. හරි බලන්කෝ පහල රූපේ.

මේ රූපේ මම අංක 1න් පෙන්නලා තියන තැන තියෙන ඇහැක ලකුණ Click  කරාම අපිට පුළුවන් ඒ layer එක Hide කරගන්න. එහෙම කරලා මම අංක 2 තියන තැන ඇහැ Click කරාම  ඒ layer එක Hide වෙනවා එහෙම කරලා ඔයාලට පුළුවන් ඒ Layer එක අදුරගන්න. කරලම බලන්න.
ඊට පස්සේ අපි මේ එක එක Layer නම් කරගමු. බලන්නකෝ පහල රූපේ.

 රූපේ විදිහට Layer>>Rename Layer ගිහින් අපි මේ layer ටික නම් කරගමු. මම මේ Layer ටික Sec,Hr,Min කියලා නම් කරනවා එක මම ලේසියට දාගත්තේ Seconds,Hour,Min කියන එක Short කරලා මේ කටු ටික නම් කරගන්නවා එකට කැමති නම් දාගන්න එක අපේ ලේසියට මේ කටු 3 අදුරගන්නයි කරගන්නේ.හරි මම දැන් පහල රූපේ වගේ මේ කටු 3 නම් කරනවා.

දැන් ගොඩක් දුරට Ps වල වැඩ ඉවරයි. එත් දැන් පොඩි අවුලක් තියනවා බලන්නකෝ පහල රූපේ.

මම උඩ රූපේ විදිහට Min layer එක නැත්තම් අපේ මිනිත්තු කට්ට ඉතුරු කරලා අනිත් Layer Hide කරනවා.(ඉස්සරහ ඇහැ Click කරන්න ) දැන් බලුවොත් අපි මිනිත්තු කට්ටේ මැද රතු පාට රවුමක් පේනවනේ එක තත්පර කට්ටේ තියන එකනේ එක එතෙන්ට ඕන නෑනේ අපි එක අයින් කරගමු. හරි මම මේකට ලේසි විදිහක් use කරනවා.බලන්නකෝ පහල රූපේ.

හරි දැන් අපි යන්නේ අපේ මිනිත්තු කට්ටේ අර ඕන නැති කොටස අයින් කරගන්න. උඩ රූපේ මම Step1 කියන එකෙන් පෙන්නලා තියෙන්නේ Min Layer එක උඩ Right Click කරලා එන Menu එකෙන් Blending option Select කරගන්න. එතකොට ඔයාලට Step2 එකේ වගේ Palate1ක් එයි. එකේ Color Overlay Option එක select කරගන්න. ඊට පස්සේ මම පෙන්නලා තියන රතු පාට කොටුව Click කරන්න එතකොට පහල රූපේ වගේ Color Palate එකක් එයි එකෙන් කළු පාට Select කරගන්න පහල රූපේ වගේ. ඔයාලා කැමති නම් වෙන පාටකින් උනත් මේ කටු හදාගන්න පුළුවන්.

දැන් ඔය වගේම අපේ පැය කටුවත් හදාගන්න මොකද එකෙත් ඔය වගේම අවුලක් තියනවා.බලන්නකෝ පහල රූපේ.

කලින් අපි මිනිත්තු කටුවට Blending Option වලින් කරපු දේවල් ටිකම කරලා ඒ කටුවත් හදාගන්න.මම උඩ රූපේ වම් පැත්තේන් පෙන්නලා තියෙන්නේ කටුව කලින් තිබ්බ විදිහත් දකුණු පැත්තේ එක හදාගත්තට පස්සේ පෙන විදිහත්. හරි එකත් ඒ විදිහට කරාම ඔයාලටත් පහල රූපේ වගේ අපේ කටු 3 පෙනේවි.

මම මේක ඔයාලට කටු 3 පෙන්න ඕනි නිසා හදාගත්තේ ඔයාලා මේ කටු 3 තියන තැන වෙනස් කරගන්න එපා.ඒ වගේම තමයි මේකේ තත්පර කට්ටත් ඔයාලට කැමති නම් අර විදිහට පාට කරගන්න.ඒ වගේම මේකේ අනිත් කටුත් ඔයාලා කැමති විදිහට පාට කරගන්න.
හරි මම මේ විදිහටම use කරනවා.දැන් තවත් අවුලක් තියනවා බලන්නකෝ පහල රූපේ.

උඩ රූපේ මම අපේ ඔරලෝසුව තියන layer එක විතරක් පෙන්න තියාගෙන අනිත් layer ටික Hide කරගන්න.හරි දැන් අවුලක් තියනවනේ මම මේකේ කටු ටික වෙනම layers වලට ගත්තට ඔරලෝසුව ගත්තේ නෑනේ.දැන් අපිට මේකේ කටු ටික කරකවන්න නම් මේ ඔරලෝසුව තියන Layer එකේ තියෙන කටු ටික අයින් කරගන්න ඕනී.අපිට ඕනි ඔරලෝසුවේ අංක ටිකත් එක්ක ඔරලෝසුව විතරක් ඉතුරු කරගන්න. දැන් බලමු එහෙම කරගන්න විදිහ.

බලන්නකෝ පහල රූපේ මම කරන්න යන්නේ ඔරලෝසුවේ කටු ටික අයින් කරගන්න.මේකෙදි කලින්  වගේ අපේ කටු තියන layer ටික අනිවා Hide කරගන්න.

මුලින්ම Brush Tool එක Select කරගන්න.ඊට පස්සේ එකේ option පහල රූපේ වගේ හදාගන්න.

දැන් උඩ රූපේ වගේ Brush එක select කරගෙන මම උඩ රුපෙන් පෙන්නලා තියන විදිහට එකේ Option හදාගන්න.Hardness-0, ඒ වගේම Softness වැඩි Brush1ක් Select කරගන්න. රූපේ නිල් පාටින් පෙන්නලා තියෙන්නේ ඒක. දැන් ඒ option වලින් Brush එක අරන් පහල රූපේ වගේ අපිට ඕන නැති කොටස් ටික අයින් කරගන්න. බලන්නකෝ පහල රූපේ.

මුලින්ම අපි Brush Tool එක select කරගෙන අර වගේ Option ටික හදාගෙන රූපේ පෙන්නලා තියන විදිහට මුලින්ම Foreground Color එක select කරගන්න උඩ රූපේ වගේ Color palate එක අවාම උඩ රූපේ මම 2 වෙනියට Click කරන්න කියල තියන තැන Click කරන්න. ඒ select කරන තැන අපේ ඔරලෝසුවේ සුදු පාට තියන තැනක් වෙන්න ඔනී.

දැන් Brush එකේ Size එක හදාගන්න විදිහ බලමු. ඔයාලට පුළුවන්  keyboard එකේ  [ key එක press කරලා Brush එකේ Size එක අඩු කරගන්නත්  ] Key එක press කරලා Brush එකේ size එක වැඩි කරගන්නත්.Brush size එක හදාගෙන පහල රූපේ වගේ හදාගන්න. අංක මැකෙන් නැති වෙන විදිහට brush කරගන්න. මුලින් පහල රූපේ ගානට Brush කරගෙන නවත්තන්න.

හරි දැන් ඔයාලට පේනවා ඇති උඩ රූපේ අපේ කටු 3ම පොඩි පොඩි කොටස් මම ඉතුරු කරගෙන තියනව. එහෙම කරේ අපි මුලින්ම මේ වැඩේට ගත්තේ Hardness-0 brush එකක් එකෙන් අපි Brush කරනකොට වටේට පොඩි blur වීමක් එක්ක තමයි Brush වෙන්නේ. Brush වෙන කොටස අපිට හරියටම පෙන් නැ. hardness=100 එකෙයි Hardness=0 එකෙයි වෙනස  මම පහල රුපෙන් පෙන්නලා තියනවා බලන්නකෝ.

උඩ රුපෙන් ඔයාලට hardness ගැන තේරුම් ගන්න පුළුවන් කියල මම හිතනවා. හරි දැන් අපි කලින් වැඩ කරේ Hardness=0 තියාගෙන දැන් අපි hardness=100 ක් කරගෙන වැඩ කරමු, මොකද අපිට ඕනි හරියටම කටු ටික විතරක් අයින් කරගන්න අපේ අංක වලට හානියක් නැතුව.එකයි අපි Hardness=100 Brush1ක් Use කරන්නේ. ඒ වගේම Brush size එකත්  ඕනි වෙලාවට Change කරගන්න.ඒ වගේම zoom කරගෙන (Ctrl++)  අපේ ඔරලෝසුවේ අංක මැකෙන් නැති වෙන්න අපේ කටු ටික Brush කරගන්න. වැඩේ Brush කරගන් නැතුව,පහල රූපේ වගේ හදාගන්න අන්තිමට.

හරි දැන් Ps වල  අපේ ඔරලෝසුවේ වැඩ ටික ඉවරයි. දැන් තියෙන්නේ Pr වල වැඩ තමයි.අන්තිමට මතක ඇතුව අපි Hide කරපු layers ටික show කරලා කැමති තැනක Save කරගන්න. PSD File format එකෙන්.
මම එකත් පහල රුපෙන් පෙන්නලා තියනවා.

මුලින්ම මතක ඇතුව අපේ කටු layers ටික Show කරගන්න අනිවා.ඊට පස්සේ  File>>Save As යන්න. ගිහින් ඊට පස්සේ එන option box එකෙන් PSD file format එකෙන් ඔයලා  කැමති තැනක කැමති නමකින් මේක Save කරගන්න.පහල රූපේ වගේ.

හරි එහෙනම් දැන් අපේ පාඩමේ Ps කොටස ඉවරයි.මේක ටිකක් දිග වැඩි  උනේ මට ඕනි උනා ඔයාලට මේ දේ කරගන්න විදිහ ගොඩක් සරල විදිහට කියල දෙන්න.එහෙනම් මම මේ කොටසින් නවතිනවා මොකද Pr කොටසත් මේකට දැම්මොත් ඔයාලට මේක කරගන්න එක අවුලක් වෙයි.මුලින් මේ ටික කරන්න. ඊට පස්සේ Pr වලට යමු. ඒ වගේම ඕනිම අවුලක්, ප්‍රශ්නයක් මගෙන් අහන්න, මම දන්න විදිහට කියල දෙන්නම්. ඒ වගේම වැඩේ හොද නම් Comment1 ක් දාන්නත් අමතක කරන්න එපා. හරි එහෙනම් Pr කොටසින් හමු වෙමු.
සුබ දවසක්!!!
ඕනිම අවුලක් අහන්න.